Home India സീറോമലബാര്‍സഭ ഇന്‍റര്‍നെറ്റ് മിഷന്‍ എക്സിക്യൂട്ടീവ് ഡയറക്ടറായി ഫാ. സെബി കൊളങ്ങരയും മീഡിയാ കമ്മീഷന്‍ പുതിയ സെക്രട്ടറി...

സീറോമലബാര്‍സഭ ഇന്‍റര്‍നെറ്റ് മിഷന്‍ എക്സിക്യൂട്ടീവ് ഡയറക്ടറായി ഫാ. സെബി കൊളങ്ങരയും മീഡിയാ കമ്മീഷന്‍ പുതിയ സെക്രട്ടറി ഫാ. അലക്സ് ഓണംപള്ളിയും നിയമിതരായി

16
0

കാക്കനാട് : സീറോ മലബാര്‍ സഭയുടെ ആസ്ഥാന കാര്യാലയമായ മൗണ്ട് സെന്റ് തോമസില്‍ പുതിയ നിയമനങ്ങള്‍ നടത്തി. സീറോ മലബാര്‍ സഭ ഇന്റര്‍നെറ്റ് മിഷന്‍ എക്സിക്യൂട്ടീവ് ഡയറക്ടറായി ഇരിങ്ങാലക്കുട രൂപതാ അംഗം ആയ ഫാദര്‍ സെബി കൊളങ്ങരയും മീഡിയ കമ്മീഷന്‍ സെക്രട്ടറിയായി ഫാദര്‍ അലക്സ് ഓണം പള്ളിയും നിയമിതരായി. സീറോ മലബാര്‍ സഭയുടെ ഇന്റര്‍നെറ്റ് മിഷന്‍ എക്സിക്യൂട്ടീവ് ഡയറക്ടര്‍ ആയിരുന്ന ഫാദര്‍ ജോബി മാപ്രകാവിലും മീഡിയ കമ്മീഷന്‍ സെക്രട്ടറി ആയിരുന്നു ഫാദര്‍ ആന്‍റണി തലച്ചെല്ലൂരും കാലാവധി പൂര്‍ത്തിയാക്കിയ സാഹചര്യത്തിലാണ് പുതിയ നിയമനങ്ങള്‍ നടന്നത്. സീറോ മലബാര്‍ സഭയുടെ ഇന്റര്‍നെറ്റ് മിഷന്‍ എക്സിക്യൂട്ടീവ് ഡയറക്ടറായി നിയമിതനായ ഇരിക്കുന്ന ഫാദര്‍ സെബി കൊളങ്ങര ഇരിങ്ങാലക്കുട രൂപതയിലെ പരീകാട്ടുകര സെന്‍റ് മേരിസ് ഇടവക അംഗമാണ്. ഇരിങ്ങാലക്കുട രൂപതയുടെ വൈസ് ചാന്‍സിലറായും മീഡിയ സെന്‍ററായ ദര്‍ശന്‍ മീഡിയയുടെ ഡയറക്ടറായും പ്രവര്‍ത്തിച്ചിട്ടുണ്ട്. കഴിഞ്ഞ അഞ്ച് മാസമായി വെണ്ണൂര്‍ സെന്‍റ് മേരിസ് ഇടവകയില്‍ വികാരിയായി പ്രവര്‍ത്തിച്ചു വരുമ്ബോഴാണ് സീറോ മലബാര്‍ സഭയുടെ ഇന്റര്‍നെറ്റ് മിഷന്‍ എക്സിക്യൂട്ടീവ് ഡയറക്ടറായി പുതിയ നിയമനം ലഭിച്ചത്.

സീറോ മലബാര്‍ സഭയുടെ മീഡിയ കമ്മീഷന്‍ സെക്രട്ടറിയായി നിയമിതനായ ഇരിക്കുന്ന ഫാദര്‍ അലക്സ് ഓണംപള്ളി മാനന്തവാടി രൂപതയിലെ ബോസ് പാറ ജോസഫ്സ് ഇടവകാംഗമാണ്. കല്യാണ്‍ രൂപതയിലെ സേവനത്തിനുശേഷം കാത്തലിക് ബിഷപ്സ് കോണ്‍ഫറന്‍സ് ഓഫ് ഇന്ത്യ നേതൃത്വം നല്‍കുന്ന ഡല്‍ഹിയിലെ നിസ്കോര്‍ട്ട് മീഡിയ കോളേജില്‍ അസിസ്റ്റന്റ് പ്രൊഫസര്‍ ആയി പ്രവര്‍ത്തിച്ചിട്ടുണ്ട് . മാസ് കമ്മ്യൂണിക്കേഷന്‍ ആന്‍ഡ് ജേണലിസം ഗവേഷണവും നടത്തിവരുന്നു കഴിഞ്ഞ ഒരു വര്‍ഷമായി വലിയകൊല്ലി ഇന്‍ഫന്‍റ് ജീസസ് ഇടവകയിലെ വികാരിയായി പ്രവര്‍ത്തിച്ചു വരുമ്ബോഴാണ് മീഡിയ കമ്മീഷന്‍ സെക്രട്ടറിയായി നിയമിതനായിരിക്കുന്നത്. കാക്കനാട് സെന്റ് തോമസ് മൗണ്ടില്‍ നടന്ന ചടങ്ങില്‍ സ്ഥലം മാറിപ്പോകുന്ന വൈദികര്‍ക്ക് യാത്രയയപ്പ് നല്‍കി .കര്‍ദിനാള്‍ മാര്‍ ജോര്‍ജ് ആലഞ്ചേരി, ഇന്റര്‍നെറ്റ് മിഷന്‍ ചെയര്‍മാന്‍ മാര്‍ ജോസഫ് പൊരുന്നേടം, വൈസ് ചെയര്‍മാന്‍ മാര്‍ ജോസഫ് പാണ്ടാരശ്ശേരിയിലി‍, മീഡിയ കമ്മീഷന്‍ ചെയര്‍മാന്‍ മാര്‍ ജോസഫ് പാംപ്ലാനി ,കൂരിയ ബിഷപ്പ് മാര്‍ സെബാസ്റ്റ്യന്‍ വാണിയ പുരയ്ക്കല്‍, സഭാ കാര്യാലയത്തില്‍ സേവനം ചെയ്യുന്ന വൈദികര്‍ ,സമര്‍പ്പിതര്‍, സ്റ്റാഫ് അംഗങ്ങള്‍ എന്നിവര്‍ പങ്കെടുത്തു .

കഴിഞ്ഞ ആറു വര്‍ഷക്കാലമായി സീറോ മലബാര്‍ സഭയുടെ ഇന്റര്‍നെറ്റ് മിഷന്‍ പ്രവര്‍ത്തനങ്ങള്‍ക്ക് നേതൃത്വം കൊടുത്ത ഫാദര്‍ ജോബി മാപ്രകാവില്‍ സഭയിലെ വിവിധ രൂപതകളുടേയും ഇടവകകളുടേയും വെബ്സൈറ്റുകള്‍ രൂപപ്പെടുത്തുന്നതിലും മൊബൈല്‍ അപ്ലിക്കേഷന്‍ തയ്യാറാക്കുന്നതിലും സീറോ മലബാര്‍ സഭ മാട്രിമോണിയല്‍ വെബ്സൈറ്റ് പ്രവര്‍ത്തനക്ഷമമാക്കുന്നതിനും ശ്രദ്ധ പതിപ്പിച്ചു. എം എസ് റ്റി സഭയുടെ മൈനര്‍ സെമിനാരിയില്‍ അധ്യാപകനായിട്ടാണ് അദ്ദേഹത്തിന്റെ പുതിയ നിയമനം. 2019 രൂപപ്പെട്ട മീഡിയ കമ്മീഷന്റെ പ്രഥമ സെക്രട്ടറിയായി ഒരു വര്‍ഷം സേവനം ചെയ്ത ഫാദര്‍ ആന്റണി തലച്ചെല്ലൂര്‍ സഭാ നിയമത്തില്‍ ഉപരിപഠനം നടത്തുന്നതിനായിട്ടാണ് നിയോഗിക്കപ്പെട്ടിരിക്കുന്നത്.

LEAVE A REPLY

Please enter your comment!
Please enter your name here