Home America ഷിബു മുളയാനിക്കുന്നേല്‍ അക്കമഡേഷന്‍ കമ്മറ്റി ചെയര്‍മാന്‍

ഷിബു മുളയാനിക്കുന്നേല്‍ അക്കമഡേഷന്‍ കമ്മറ്റി ചെയര്‍മാന്‍

360

ചിക്കാഗോ: വടക്കേ അമേരിക്കയിലെ ക്നാനായ സംഘടനകളുടെ മാതൃസംഘടനയായ ക്നാനായ കാത്തലിക് കോണ്‍ഗ്രസ് ഓഫ് നോര്‍ത്ത് അമേരിക്കയുടെ പതിനാലാമത് കണ്‍വന്‍ഷന്‍ ഇന്‍ഡ്യാനപോളിസിലെ ക്നായിതോമാ നഗറില്‍വെച്ച് 2022 ജൂലൈ 21 മുതല്‍ 24 വരെ നടക്കുമ്പോള്‍ ഈ കണ്‍വന്‍ഷന്‍റെ അക്കമഡേഷന്‍ കമ്മറ്റി ചെയര്‍മാനായി നാഷണല്‍ കമ്മറ്റിയംഗം ഷിബു മുളയാനിക്കുന്നേലിനെ തെരഞ്ഞെടുത്തു. കണ്‍വന്‍ഷന് രജിസ്റ്റര്‍ ചെയ്തിരിക്കുന്നവരുടെ താമസ സൗകര്യങ്ങള്‍ ഭംഗിയായ ക്രമീകരിക്കുക എന്നുള്ളതാണ് ഈ കമ്മറ്റിയുടെ മേല്‍നോട്ടത്തില്‍ നിര്‍വഹിക്കുന്നത്. കണ്‍വന്‍ഷനില്‍ രജിസ്റ്റര്‍ ചെയ്തിരിക്കുന്നവര്‍ അവരുടെ താമസ സൗകര്യങ്ങളുമായി ബന്ധപ്പെട്ട് എന്തെങ്കിലും സംശയങ്ങള്‍ ഉണ്ടെങ്കില്‍ അക്കമഡേഷന്‍ കമ്മറ്റി ചെയര്‍മാന്‍ ഷിബു മുളയാനിക്കുന്നേലുമായോ മറ്റ് കമ്മറ്റി അംഗങ്ങളുമായോ ബന്ധപ്പെടണമെന്ന് കെ.സി.സി.എന്‍.എ. പ്രസിഡന്‍റ് സിറിയക് കൂവക്കാട്ടില്‍ അറിയിച്ചു. ലഭ്യമായ സൗകര്യങ്ങള്‍ പരമാവധി പ്രയോജനപ്പെടുത്തി സൗകര്യപ്രദമായ രീതിയില്‍ താമസസൗകര്യങ്ങള്‍ ഒരുക്കുവാന്‍ അക്കമഡേഷന്‍ കമ്മറ്റിയുടെ നേതൃത്വത്തില്‍ പരമാവധി ശ്രമിക്കുമെന്ന് ചെയര്‍മാന്‍ ഷിബു മുളയാനിക്കുന്നേല്‍ അറിയിച്ചു. അക്കമഡേഷന്‍ കമ്മറ്റിയുമായി ബന്ധപ്പെട്ട സംശയങ്ങള്‍ക്ക് ഷിബു മുളയാനിക്കുന്നേല്‍ (630 849 1253), എഡ്വിന്‍ എറികാട്ടുപറമ്പില്‍ (845 667 9588), ആമോള്‍ ചെറുകര (510 364 7131), റ്റിജി വെട്ടികാട്ടില്‍ (224 578 9290) എന്നിവരുമായി ബന്ധപ്പെടണമെന്ന് കെ.സി.സി.എന്‍.എ. ലെയ്സണ്‍ ജസ്റ്റിന്‍ തെങ്ങനാട്ട് അറിയിച്ചു.

റിപ്പോര്‍ട്ട് : സൈമണ്‍ മുട്ടത്തില്‍