Home America സൗഹൃദ്ദം പെയ്തിറങ്ങിയ KCYL തലമുറകളുടെ സംഗമം ഒന്നാം വാർഷികം നവംബർ 1ന്

സൗഹൃദ്ദം പെയ്തിറങ്ങിയ KCYL തലമുറകളുടെ സംഗമം ഒന്നാം വാർഷികം നവംബർ 1ന്

732

ചിക്കാഗോ: ക്നാനായ കത്തോലിക്ക യൂത്ത് ലീഗിന്റെ സുവർണ്ണ ജൂബിലിയുടെ ഭാഗമായി ചിക്കാഗോയിൽ 2019 നവംബർ 1,2,3 തീയതികളിൽ ക്‌നാനായ സമുദായ ചരിത്ര താളുകളിൽ ഇടം പിടിച്ച KCYL തലമുറകളുടെ സംഗമം നടന്നിട്ടു ഒരു വര്ഷം പൂർത്തിയാകുന്നു. സൗഹൃദ്ദം പെയ്തിറങ്ങിയ ആ ദിനത്തിന്റെ ഓർമ്മകൾ പങ്കുവെച്ചുകൊണ്ട് കേരള പിറവി ദിവസത്തിൽ
ലോകം മുഴുവനുമുള്ള KCYL മുൻ ഭാരവാഹികളുടെ ഒരു ZOOM കൂട്ടായ്‌മ നടത്തുവാൻ തിരുമാനിച്ചിരിക്കുകയാണ്. അഭി ഗീവർഗീസ് മാർ അപ്രേം ഈ വിർച്യുൽ സംഗമം ഉത്ഘാടനം ചെയ്യും. ക്നാനായ സമുദായത്തിന്റെ അഭാജ്യ ഘടകങ്ങൾ ഒന്നിച്ചു കൂടിയ തലമുറകളുടെ സംഗമം അഥവാ KCYL ചിക്കാഗോ സമ്മേളനം ഇന്നും ജന മനസുകളിൽ സൗഹൃദത്തിന്റെ വലിയ വേലിയേറ്റം സൃഷ്ടിച്ചിരിക്കുകയാണ്. ലോകം മുഴുവൻ വ്യാപിച്ചു കിടക്കുന്ന KCYL കുടുംബാംഗങ്ങളായ KCYL ൽ ഇടവക, ഫൊറോനാ , രൂപതാ തലങ്ങളിൽ ഭാരവാഹികളായും അംഗങ്ങളായും പ്രവർത്തനങ്ങൾ കാഴ്ച വെച്ച എല്ലാ കെ സി വൈ എൽ സുഹൃത്തുക്കളയേയും ഈ ആഗോള കൂട്ടായ്മയിലേക്ക് സ്വാഗതം ചെയ്യന്നു.

നവംബർ ഒന്നാംതീയതി ഇന്ത്യൻ സമയം വൈകുന്നേരം 7 മണിക്കാണ് സൂമിലൂടെ ഈ സംഗമം സംഘടിപ്പിച്ചിരിക്കുന്നത്. എല്ലാ മുൻകാല ഭാരവാഹികളും പ്രവർത്തകരും അന്നേ ദിവസം ഈ സംഗമത്തിൽ പങ്കെടുക്കാൻ ശ്രദ്ധിക്കുമല്ലോ.