Home Headline കുരിശിനെ അവഹേളിച്ച പ്രവണത അപലപനീയം: ക്‌നാനായ കാത്തലിക് യൂത്ത് ലീഗ്

കുരിശിനെ അവഹേളിച്ച പ്രവണത അപലപനീയം: ക്‌നാനായ കാത്തലിക് യൂത്ത് ലീഗ്

376

കോട്ടയം: പൂഞ്ഞാറിലും, കക്കാടംപൊയില്‍ കുരിശുമലയിലും വിശുദ്ധ കുരിശിനെ അവഹേളിക്കുന്ന രീതിയില്‍ പെരുമാറുകയും പൊതുസമൂഹത്തിന് തെറ്റായ സന്ദേശം എത്തിക്കുകയും ചെയ്യുന്ന രീതിയില്‍ ഒരു പറ്റം സാമൂഹ്യവിരുദ്ധര്‍ സാമൂഹ്യമാധ്യമങ്ങളിലൂടെ ഫോട്ടോകളും, വീഡിയോകളും പ്രചരിപ്പിക്കുകയും ചെയ്തതിനെ കോട്ടയം അതിരൂപതയുടെ യുവജനസംഘടനയായ ക്‌നാനായ കാത്തലിക് യൂത്ത് ലീഗ് അതിരൂപതാ സമിതി അപലപിച്ചു. ക്രിസ്തിയ ജനസമൂഹത്തെ വേദനിപ്പിക്കുന്ന ഇത്തരം പ്രവണതകള്‍ക്കെതിരെ കോട്ടയം അതിരൂപതയിലെ എല്ലാ ഇടവകകളിലും കെ. സി. വൈ. എല്‍ അതിരൂപത സമിതിയുടെ ആഹ്വാനപ്രകാരം പ്രാര്‍ത്ഥന യജ്ഞം സംഘടിപ്പിച്ചു. പ്രസ്തുത സംഭവങ്ങള്‍ നടന്ന ഇടവകയില്‍ നിന്നും ഇവര്‍ക്കെതിരെ നിയമനടപടികള്‍ സ്വീകരിച്ചിട്ടുണ്ടെങ്കിലും ക്രിസ്തീയ വിശ്വാസികളെ വ്രണപ്പെടുത്തുന്ന ഇത്തരം പ്രവര്‍ത്തികള്‍ അങ്ങേയറ്റം ദൗര്‍ഭാഗ്യകരണമാണെന്ന് പ്രതിഷേധ യോഗത്തിന് അധ്യക്ഷത വഹിച്ച അതിരൂപത പ്രസിഡന്റ് ലിബിന്‍ ജോസ് പാറയില്‍ അഭിപ്രായപ്പെട്ടു. അതിരൂപത ചാപ്ലയിന്‍ ഫാ. ചാക്കോ വണ്ടന്‍കുഴിയില്‍, ജനറല്‍ സെക്രട്ടറി ബോഹിത് ജോണ്‍സണ്‍ നാക്കോലികരയില്‍, ട്രഷറര്‍ അനിറ്റ് ചാക്കോ കിഴക്കേആക്കല്‍ വൈസ് പ്രസിഡന്റ് ജോസുകുട്ടി ജോസഫ് താളിവേലില്‍, ആല്‍ബര്‍ട്ട് തോമസ് കൊച്ചുപറമ്പില്‍, ജോയിന്റ് സെക്രട്ടറി അച്ചു അന്ന ടോം പെരുമ്പളത്തുശേരില്‍, അമല്‍ അബ്രഹാം വെട്ടിക്കാട്ടില്‍, ഡയറക്ടര്‍ ഷെല്ലി ആലപ്പാട്ട്, സി. ലേഖാ എസ്.ജെ.സി എന്നിവര്‍ പ്രസംഗിച്ചു.